పల్లవి :
వయసా ఎలా మోయగలవీ హాయి భారము
మనసా ఎలా చేయగలవో రాయబారము
అతడినీ అడిగినావే...
॥
చరణం : 1
గుండెల సవ్వడి శ్రుతిలయ మార్చెను
ఎందుచేతనో...
ఆతడి అడుగుల సడి అనిపించెను ఏమిసేతునో
నిలువున నిమిరిన నవ పరిమళములు ఎంత వెచ్చనో
ఆతడి శ్వాసలు ఈ చలిగాలులు వెంట తెచ్చెనో
నిన్న మొన్నటి నేస్తమా నా సమస్తం స్వంతమా
పరువమా అడిగినావే
॥
చరణం : 2
దోసిలితోనే తీసిన తీయని ఏటి నీటిలో
తోచిన సంగతి పెదవికి తాకితే ఎన్ని నవ్వులో
ఎగువన ఆతడు తాగిన నీరిది అన్న ఊహలో
తడిమిన ఆతడి తడి తాకిడిలో ఎన్ని ముద్దులో
స్నానమింక సాగునా సిగ్గులింక దాగునా
బిడియమా అడిగిరావే
॥
చిత్రం : సుబ్బారాయుడు పెళ్లి (1992)
సంగీతం : సాలూరి వాసూరావు
రచన : సిరివెన్నెల సీతారామ శాస్త్రి
గానం : కె.ఎస్.చిత్ర
**********************************
Movie Name : Subbarayudu Pelli
Music Director : Saluri Vasu rao
Lyricist : Sirivennela Sitarama sastry
Singer : K.S. Chitra
