నేను నీకై పుట్టినానని
నిన్ను పొందకా మట్టికానని
చెమ్మగిల్లే కనులతో
చేయి పట్టే మనసుతో
చేసుకున్న బాసలో ఊసులే..ప్రేమ
..ఊపిరే ప్రేమ !
నిన్ను చూడకా నిదురపోనీ..రెండు నేత్రాలు
కలల హారతి నీకు పట్టే..మౌన మంత్రాలు
నిన్ను తాకక నిలవలేని..పంచ ప్రాణాలూ
కౌగిలింతల గర్భగుడిలో మూగ దీపాలు
ప్రేమ మహిమ తెలుప తరమా..
ప్రేమే జీవన మధురిమ !
నేను నీకై పుట్టినానని
నిన్ను పొందకా మట్టికానని
చెమ్మగిల్లే కనులతో
చేయి పట్టే మనసుతో
చేసుకున్న బాసలో ఊసులే..ప్రేమ
..ఊపిరే ప్రేమ !
శ్రీ అనే తెలుగక్షరం లా నీవు నిలుచుంటే
క్రావడల్లే నీకు వెలుగులా ప్రమిదనై ఉంటా
'ఓం 'అనే వేదాక్షరం లా నీవు ఎదురైతే
గానమై నిన్నాలపించే..ప్రణవమై ఉంటా
ప్రేమ మహిమ తెలుప తరమా..
ప్రేమే జీవన మధురిమ !
నేను నీకై పుట్టినానని
నిన్ను పొందకా మట్టికానని
చెమ్మగిల్లే కనులతో
చేయి పట్టే మనసుతో
చేసుకున్న బాసలో ఊసులే..ప్రేమ
..ఊపిరే ప్రేమ !
చిత్రం : చంటబ్బాయి (1986)
సంగీతం : చక్రవర్తి
రచన : వేటూరి
గానం : ఎస్.పి.బాల సుబ్రహ్మణ్యం , పి.సుశీల