హృదయమా ఓ బేల హృదయమా
హృదయమా ఓ బేల హృదయమా
ఒకేసారిగా నీకింత సంతోషమా
హృదయమా
తీయని ఊహలు హాయిగా నీలో మరల చిగీర్చే సుమా
పూచిన పూవులు నోచిన నోములు కాచి ఫలించు సుమా
అవి కాచి ఫలించు సుమా ||హృదయమా||
మనసు తెలుపగా నీకింత మోమోటమా
హృదయమా
తీగెలు సడలిన సితార తాను
తిరిగి మ్రోగె సుమా ||2||
మ్రోగిన పాటే మోహనమై
అనురాగము నించె సుమా ||2|| ||హృదయమా||
అందరాని ఆ చందమామ
నీ చేతికి అందె సుమా
చేతికి అందె సుమా
చందమామ నీ చేతులలోనే
బందీయగును సుమా
ఇక బందీయగును సుమా ||హృదయమా||
చిత్రం : బావమరదళ్లు (1961)
సంగీతం : పెండ్యాల నాగేశ్వర రావు
రచన : ఆరుద్ర
గానం : ఘంటసాల, పి.సుశీల
***************************************************
Movie Name : Bava Maradallu (1961)
Music Director : Pendyala Nageswara Rao
Lyricist : Aarudra
Singers : Ghantasala, P. Susheela
