పాడెద నీ నామమే గోపాలా ....... అమాయకురాలు (1971)

పల్లవి:
ఆ... ఆ ఆ ఆ... ఆ ఆ ఆ... ఆ...
పాడెద నీ నామమే గోపాలా
పాడెద నీ నామమే గోపాలా
హృదయములోనే పదిలముగానే
నిలిపెద నీ రూపమేరా...
పాడెద నీ నామమే గోపాలా

చరణం 1:
మమతలలోనే మాలికలల్లి నిలిచితి నీకోసమేరా
మమతలలోనే మాలికలల్లి నిలిచితి నీకోసమేరా
ఆశలతోనే హారతి చేసి పదములు పూజింతు రారా
పాడెద నీ నామమే గోపాలా

చరణం 2:
నీ మురళీ గానమే పిలిచెరా కన్నుల నీమోము కదలెనులేరా
నీ మురళీగానమే పిలిచెరా
పొన్నలు పూచే బృందావనిలో వెన్నెల కురిసే యమునాతటిపై
ఆ.....
పొన్నలు పూచే బృందావనిలో వెన్నెల కురిసే యమునాతటిపై
నీ సన్నిధిలో జీవితమంతా ..కానుక చేసేను రారా

పాడెద నీ నామమే గోపాలా
హృదయములోనే పదిలముగానే
నిలిపెద నీ రూపమేరా...
పాడెద నీ నామమే గోపాలా


చిత్రం : అమాయకురాలు (1971)
సంగీతం : ఎస్. రాజేశ్వరరావు
రచన : దాశరథి
గానం : P.సుశీల