చెప్పాలని ఉంది..చెప్పాలని ఉంది.. ఉమ్మడి కుటుంబం (1967)

పల్లవి :
చెప్పాలని ఉంది..
చెప్పాలని ఉంది..దేవతయే దిగివచ్చి
మనుషులలో కలసిన కథ చెప్పాలని ఉంది

చరణం : 1
పల్లెటూరి అబ్బాయిని పదునుపెట్టి వెన్నుతట్టి
పల్లెటూరి అబ్బాయిని పదునుపెట్టి వెన్ను తట్టి
మనిషిగ తీరిచి దిద్దిన మరువరాని దేవత కథ.. చెప్పాలని ఉంది

చరణం : 2
కోరనిదే వరాలిచ్చి.. కొండంత వెలుగు నిచ్చి
కోరనిదే వరాలిచ్చి.. కొండంత వెలుగు నిచ్చి
మట్టిని మణిగా చేసిన మమతెరిగిన దేవత కథ.. చెప్పాలని ఉంది

చరణం : 3
అంతటి దేవికి నా పై ఇంతటి దయ ఏలనో..
అంతటి దేవికి నా పై ఇంతటి దయ ఏలనో..
ఎన్ని జన్మలకు ఈ ఋణమెలా ఎలా తీరునో

నీ చల్లని మదిలో ఆ దేవికింత చోటిస్తే...
నీ చల్లని మదిలో అ దేవికింత చోటిస్తే..
ఆ లోకమె మరచి పోవు నీ లోనే నిలిచిపోవు
ఆ ..ఆ..ఆ..ఆ..ఆ


చిత్రం : ఉమ్మడి కుటుంబం (1967)
సంగీతం : టి.వి. రాజు
రచన : సి.నారాయణ రెడ్డి (సినారె)
గానం : ఘంటసాల , P.సుశీల
*****************************************************
Movie Name : Ummadi Kutumbam (1967)
Music Director : T.V.Raju
Lyricist : C. Narayana Reddy
Singers : Ghantasala, P.Susheela