మందార మాట విని మౌడ్యమున
కైకేయి రామలక్ష్మణులను అడవికి పంపే కదా
శకుని మాయలు నమ్మి జూదమున ఓడించి
కౌరవులు పాండవుల కష్ట పెట్టిరిగా
పరుల భోదకు లొంగి పండు వంటి సంసారాన్ని
భాగాలుగా చీల్చి పంచుచుండిరి కదా
కలిసి వుంటే కలదు సుఖం
వేరు పడితే తీరని దుఖం
చెడు భోదలు విన్నారంటే
ఎవరికైన తప్పదు కష్టం
కలిసి వుంటే కలదు సుఖం
వేరు పడితే తీరని దుఖం
చెడు భోదలు విన్నారంటే
ఎవరికైన తప్పదు కష్టం
చిట్టి చీమలన్నీ మూగి పెద్ద పుట్ట పెట్టునురా
చిట్టి చీమలన్నీ మూగి పెద్ద పుట్ట పెట్టునురా
శిల్పులంతా కట్టుగా వుండే తాజ్ మహలు కట్టిరిరా
జనులేందరో త్యాగము చేసి స్వరాజ్యము తెచ్చిరి రా
కలిసి వుంటే కలదు సుఖం
వేరు పడితే తీరని దుఖం
పది కట్టెలు ఒక్కటిగా వుంటే పట్టి విరువ లేరురా
ఒక కట్టేగ ఉంటేనే వికలము చేసేరురా
కర్ణుడొకడు చేరక పోతే భారతమే పూజ్యము రా
యాదవులే ఒక్కటిగా ఉంటే నాశనమై ఉండరు రా
కలిసి వుంటే కలదు సుఖం
వేరు పడితే తీరని దుఖం
కలిసి వుంటే కలదు సుఖం
వేరు పడితే తీరని దుఖం
చిత్రం : కలిసి వుంటే కలదు సుఖం (1961)
సంగీతం : మాస్టర్ వేణు
రచన : కొసరాజు
గానం : ఘంటసాల , పి.సుశీల
