పల్లవి:
ఈ వీణ పైన పలికిన రాగం
నాలోన విరిసిన అనురాగం
మీటితే మ్రోగేది రాగం
ఎదమాటుగా పెరిగేది అనురాగం
ఈ వీణ పైన పలికిన రాగం
నాలోన విరిసిన అనురాగం
చరణం 1:
కలిమిలోన మిడిసిపడనిది
లేమిలోన కలత పడనిది
ఇరువురి నడుమా ఎల్లలు లేనిది
ఇరువురి నడుమా ఎల్లలు లేనిది
వలచిన హృదయల తొలి కలయిక.. ఆ.. ఆ.. ఆ..
ఈ వీణ పైన పలికిన రాగం
నాలోన విరిసిన అనురాగం
చరణం 2:
కనిపించే ఆతని చిరు నవ్వులోనా
కవితలకందని మధురభావన.. ఆ..
కనిపించే ఆతని చిరు నవ్వులోనా
కవితలకందని మధురభావన
ఆ భావనయే ఆరాధనగా
ఆ భావనయే ఆరాధనగా
అతనికి నేనే ఒక కానుక.. ఆ.. ఆ.. ఆ
ఈ వీణ పైన పలికిన రాగం
నాలోన విరిసిన అనురాగం
చిత్రం : అభిమానవంతులు (1973)
సంగీతం : S.P.కోదండపాణి
రచన : సి.నారాయణ రెడ్డి
గానం : P.సుశీల
