పల్లవి:
సీతారాముల కల్యాణం చూతము రారండి
శ్రీ సీతారాముల కల్యాణం చూతము రారండి
సిరి కళ్యాణపు బొట్టును పెట్టి... బొట్టును పెట్టి
మణి బాసికమును నుదుటను పెట్టి... నుదుటను పెట్టి
పారాణి పాదాలకు పెట్టి... ఆ ఆ ఆ ఆ అ ఆ ఆ ఆ ఆ అ
పారాణి పాదాలకు పెట్టి
పెళ్ళికూతురై వెలసిన సీతా
సీతారాముల కల్యాణం చూతము రారండి
శ్రీ సీతారాముల కల్యాణం చూతము రారండి
చరణం:
సంపెంగి నూనెను కురులను దువ్వి... కురులను దువ్వి
సొంపుగ కస్తూరి నామము తీర్చి... నామము తీర్చి
చెంపగవాచి చుక్కను పెట్టి... ఆ ఆ ఆ ఆ అ ఆ ఆ ఆ ఆ అ
చెంపగవాచి చుక్కను పెట్టి
పెళ్ళికొడుకై వెలసిన రాముని
సీతారాముల కల్యాణం చూతము రారండి
శ్రీ సీతారాముల కల్యాణం చూతము రారండి
చరణం:
జానకి దోసిట కెంపుల ప్రోవై... కెంపుల ప్రోవై
రాముని దోసిట నీలపురాశై... నీలపురాశై
ఆణిముత్యములు తలంబ్రాలుగా... ఆ ఆ ఆ ఆ అ ఆ ఆ ఆ ఆ అ
ఆణిముత్యములు తలంబ్రాలుగా
ఇరువుర మెరిసిన సీతారాముల
సీతారాముల కల్యాణం చూతము రారండి
శ్రీ సీతారాముల కల్యాణం చూతము రారండి
చిత్రం : సీతారామ కల్యాణం (1961)
రచన : సముద్రాల సీనియర్
సంగీతం : జి. నరసింహ రావు
గానం : P.సుశీల
