సాకీ :
ఓ... సోదరసోదరీమణులారా
ఆదరించి నా మాట వింటారా
వింటాం... చెప్పు
పల్లవి :
ప్రేమించి పెళ్లిచేసుకో
నీ మనసంతా హాయి నింపుకో
ప్రేమించి పెళ్లిచేసుకో...
చరణం : 1
వరుని వలపేమిటో...వధువు తలపేమిటో
తెలుసుకోలేక పెళ్లిళ్లు జరిపించినా॥
తెలిసి కట్నాలకై బతుకు బలిచేసినా
కడకు మిగిలేది ఎడమోము
పెడమోములే॥
చరణం : 2
మనిషి తెలియాలిలే....మనసు కలవాలిలే
మరచిపోలేని స్నేహాన కరగాలిలే॥
మధుర ప్రణయాలు
మనువుగా మారాలిలే
మారి నూరేళ్లపంటగా వెలగాలిలే॥
చరణం : 3
నలుడు ప్రేమించి పెళ్లాడె దమయంతిని
వలచి రుక్మిణియే పిలిపించె శ్రీకృష్ణుని॥
తొలుత మనసిచ్చి మనువాడె దుష్యంతుడు
పాత ఒరవళ్లు దిద్దాలి మీరందరూ॥
చిత్రం : ఆత్మ గౌరవం (1966)
సంగీతం : సాలూరి రాజేశ్వరరావు
రచన : ఆరుద్ర
గానం : ఘంటసాల
**********************************************************
Movie Name : Atma Gowravam (1966)
Music Director : Saluri Rajeswara rao
Lyricist : Arudra
Singer : Ghantasala
