పల్లవి :
అహ అల్లరి అల్లరి చూపులతో ఒక గిల్లరి మొదలాయె
ఇహ మెల్లగ మెల్లగ ఎదలోన చిరుగిల్లుడు షురువాయె
అరె చెక్కిలి గిలిగిలి గింతాయె ఈ తిక్క గాలి వలన
మరి ఉక్కిరి బిక్కిరి అయిపోయె ఈ రాతిరి దయ వలన
తాన్న దీన్నా తాన్న తన్నిన్నారే తళాంగు తక్కధిన్నా
అరె తాన్న దీన్నా తాన్న తన్నిన్నారే తళాంగు తక్క తక్కధిన్నా
చరణం : 1
బుగ్గే నిమురుకుంటే నాకు అరె మొటిమై తగులుతుంటదే
లేలేత నడుములోని మడత తన ముద్దుకై వేచివున్నదే
ఇన్నాళ్ళ నా ఎదురు చూపులన్నీ తన తల్వారు కళ్ళలోన చిక్కుకున్నవే
మొత్తం నేలమీది మల్లెలన్నీ తన నవ్వుల్లో కుమ్మరిస్తడె
తాన్న దీన్నా తాన్న తన్నిన్నారే తళాంగు తక్కధిన్నా
అరె తాన్న దీన్నా తాన్న తన్నిన్నారే తళాంగు తక్క తక్కధిన్నా
చరణం : 2
పేరే పలుకుతుంటే చాలు నా పెదవే తీయగవుతదీ
కనుచూపే తాకుతుంటే నన్నూ అబ్బ నా మనసు పచ్చిగవుతదే
మెరిసే మెరుపల్లె వాడొస్తే అబ్బ నా గుండెలోన పిడుగు పడుతుంటదే
ఎదపై ఒక్కసారి హత్తుకుంటే ఇక నా ఊపిరాగిపోతదే
తాన్న దీన్నా తాన్న తన్నిన్నారే తళాంగు తక్కధిన్నా
అరె తాన్న దీన్నా తాన్న తన్నిన్నారే తళాంగు తక్క తక్కధిన్నా
చిత్రం : ఖడ్గం (2002)
సంగీతం : దేవిశ్రీ ప్రసాద్
రచన : సుద్దాల అశోకతేజ
గానం : చిత్ర , రఖీబ్, బృందం
