పల్లవి :
వద్దురా కన్నయ్యా వద్దురా కన్నయ్యా
ఈ పొద్దు ఇలు వదిలి పోవద్దురా అయ్యా...
॥
చరణం : 1
పశువులింటికి తిరిగి పరువులెత్తే వేళ (2)
పసిపాపలను బూచి పట్టుకెళ్లే వేళ (2)
॥
చరణం : 2
పట్టు పీతాంబరము మట్టిపడి మాసేనూ (2)
పాలుగారే మోము గాలికే వాడేను (2)
వద్దురా... వద్దురా కన్నయ్యా...
చరణం : 3
గొల్లపిల్లలు చాల అల్లరివారురా (2)
గోలచేసి నీపై కొండెములు చెప్పేరు
ఆడుకోవలెనన్న పాడుకోవలెనన్న (2)
ఆడటను నేనున్న (2) అన్నిటను నీదాన
వద్దురా... వద్దురా... వద్దురా... వద్దురా
కన్నయ్యా... కన్నయ్యా
చిత్రం : అర్ధాంగి (1955)
రచన : ఆత్రేయ
సంగీతం : బి.నరసింహారావు-అశ్వత్థామ
గానం : జిక్కి
