తొలి సంజకు తూరుపు ఎరుపు
మలిసంజకు పడమర ఎరుపు
తెలియదు నాకు పడమర తూరుపు
తెలిసిందొకటే ఎరుపు
నా చెలియ పెదవి ఎరుపు
ఇరుసంజలకు పిలుపుల నడుమ
మరుమల్లెల వలపే మనది
ఇరుపెదవుల ఎరుపుల నడుమ
తొలి సంజకు తూరుపు ఎరుపు
మలిసంజకు పడమర ఎరుపు
చిరునవ్వుల విలువే మనది
చిరునవ్వులో మరుమల్లె తెలుపు
తొలిరోజులందు చేలిమోజులందు
విరజాజులన్ని తెలుపు
అర మూత కనుల నునులేత వలపు
తెరతీసి నాకుతెలుపు
తెలిగించి మనసుతెలుపు
తొలి సంజకు తూరుపు ఎరుపు
మలిసంజకు పడమర ఎరుపు
చేలికాటుక రెప్పల వన్నెల
తొలికోరిక మదిలో కోయిల
మన కలయిక సంధ్యారాగం
ప్రతిరాగం జీవనరాగం
తొలి సంజకు తూరుపు ఎరుపు
మలిసంజకు పడమర ఎరుపు
చిత్రం: కన్యాకుమారి (1977)
సంగీతం : ఎస్.పి. బాల సుబ్రహ్మణ్యం
రచన : వేటూరి
గానం : ఎస్.పి. బాల సుబ్రహ్మణ్యం , పి.సుశీల
(ఇది బాలు సంగీత దర్శకత్వం వహించిన మొదటి సినిమా)
