ఏమో ఔనేమో నిజమేమో నాలో మైమరపే ఋజువేమో
ఏంచేసిందో ఆ చిన్నదీ ప్రేమించేసానందీమది
తన పేరైనా అడగాలన్నా ఎదరుంటేనా
చెప్పమ్మా వెన్నెలమ్మా ఎవ్వరే ఆ జాబిలి
చెప్పమ్మా వెన్నెలమ్మా ఎవ్వరే ఆ జాబిలి
ఏమో ఔనేమో నిజమేమో నాలో మైమరపే ఋజువేమో
ఒక్కటే జ్ఞాపకం ఆమెతో పరిచయం మబ్బులో మెరుపులా తగలటం
అక్కడే ఆ క్షణం మొదలు ఈ లక్షణం నిద్రలో నడకలా సాగటం
ఆ మెరుపు కంట పడకుంటే తన జంట కలిసి నడవందే
ఈ మరపు వదలనంటుందే ఇంకెలా
చెప్పమ్మా ఓ పావురమా ఆమెతో ఈ సంగతి
ఏమో ఔనేమో నిజమేమో నాలో మైమరపే ఋజువేమో
ఆమెనే వెతకటం అందుకే బ్రతకటం కొత్తగా ఉన్నదే అనుభవం
ప్రేమనే పిలవటం ప్రేమనే తెలపటం బొత్తిగా నేర్పదీ సతమతం
తన కంటి చూపులో మౌనం చదివేదెలాగ నా హృదయం
తన గుండె గూటిలో నే వాలేదెలా
చెప్పమ్మా కలవరమా ఆమెతో ఈ అలజడి
ఏమో ఔనేమో నిజమేమో నాలో మైమరపే ఋజువేమో
ఏంచేసిందో ఆ చిన్నదీ ప్రేమించేసానందీమది
తన పేరైనా అడగాలన్నా ఎదరుంటేనా
చెప్పమ్మా వెన్నెలమ్మా ఎవ్వరే ఆ జాబిలి
చిత్రం : నీ స్నేహం (2003)
సంగీతం : ఆర్.పి.పట్నాయక్
రచన : సిరివెన్నెల సీతారామ శాస్త్రి
గానం : రాజేష్ , ఉష
