పిలిచిన మురళికి వలచిన మువ్వకి .......... ఆనందభైరవి (1984)

పల్లవి :
పిలిచిన మురళికి వలచిన మువ్వకిఎదలో ఒకటే రాగం
అది ఆనందభైరవి రాగం
మురిసిన మురళికి మెరిసిన మువ్వకి ఎదలో ప్రేమపరాగం
మది ఆనందభైరవి రాగం

చరణం : 1
కులికే మువ్వల అలికిడి వింటే కళలే నిద్దుర లేచే
కులికే మువ్వల అలికిడి వింటే కళలే నిద్దుర లేచే
మనసే ముర ళి ఆలాపనలో మధురానగరిగ తోచే
యమునా నదిలా పొంగినది స్వరమే వరమై సంగమమై
మురిసిన మురళికి మెరిసిన మువ్వకి ఎదలో ప్రేమపరాగం
మది ఆనందభైరవి రాగం
పిలిచిన మురళికి వలచిన మువ్వకి ఎదలో ఒక టే రాగం
అది ఆనందభైరవి రాగం

చరణం : 2
ఎవరీ గోపిక పదలయ వింటే ఎదలో అందియ మ్రోగే
పదమే పదమై మదిలో ఉంటే ప్రణయాలాపన సాగే
హృదయం లయమై పోయినదీ లయలే ప్రియమై జీవితమై
మురిసిన మురళికి మెరిసిన మువ్వకి ఎదలో ప్రేమపరాగం
మది ఆనందభైరవి రాగం
పిలిచిన మురళికి వలచిన మువ్వకి ఎదలో ఒక టే రాగం
అది ఆనందభైరవి రాగం

చిత్రం : ఆనందభైరవి (1984)
రచన : వేటూరి
సంగీతం : రమేష్‌నాయుడు
గానం : ఎస్.పి.బాలు, ఎస్.జానకి