పల్లవి :
నేస్తమా నేస్తమా నువ్వే కోయిలై వాలతానంటే
తోటలా మారనా నీ కోసం
ప్రాణమా ప్రాణమా నువ్వే వేకువై చేరుతానంటే
తూరుపై చూడనా నీ కోసం
నేన నే పేరులో నువ్వు నువ్వనే మాటలో నేను
ఈ క్షణం ఎంతబాగుందో ప్రేమలాగా
ఓ... ప్రేమకే రూపమే ఇచ్చి దానికి ప్రాణమే పోస్తే
ఉండదా నిండుగా మనలాగా॥
చరణం : 1
నువ్వంటే ఎంతిష్టం సరిపోదే ఆకాశం
నాకన్నా నువ్విష్టం చూశావా ఈ చిత్రం
కనుపాపలోన నీదే కల
ఎద ఏటిలోన నువ్వే అల
క్షణకాలమైనా చాలే ఇలా... అది నాకు వెయ్యేళ్లే
ఇక ఈ క్షణం కాలమే ఆగిపోవాలే॥
చరణం : 2
అలుపొస్తే తలనిమిరే చెలినవుతా నీ కోసం
నిదరొస్తే తలవాల్చే ఒడినవుతా నీ కోసం
పెదవంచుపైనా నువ్వే కదా
పైటంచుమీదా నువ్వే కదా
నడుం ఒంపులోనా నువ్వే కదా
ప్రతిచోటా నువ్వేలే
అరచేతిలో రేఖలా మారిపోయావే॥
చిత్రం : డమరుకం (2012)
సంగీతం : దేవిశ్రీ ప్రసాద్
రచన : భాస్కరభట్ల రవికుమార్
గానం : శ్రీకృష్ణ, హరిణి
