జై జై శ్రీ రామా నిను పొగడగ నా తరమా
జై జై శ్రీ హనుమా చాటెదము నీ మహిమ
త్యాగానికి నువ్వే చిరునామా ఓ సీతారామ
సాయానికి నిలిచే గుణమా ఓ అతులిత బలధామా..
ఓ అతులిత బలధామా ||జై జై శ్రీ రామా||
దుష్టశిక్షణకు అవనికి వచ్చిన విష్ణుమూర్తి అవతారమా...రామా రామ
శ్రీరామునికే సాయం చేయగా దిగివచ్చిన శివతేజమా...హనుమా హనుమ
మునులు దేవతలు ఋషీశ్వరులకే తెలియని మూల ప్రకాశమా
సీతను రాముని కలిపి హృదయమున నిలిపిన భక్తియోగమా
శాంతి శౌర్యగుణశీలమా
రామకార్య సాఫల్యమా
నీతినియమముల ప్రియతమా
భూతప్రేతముల భరతమా
మాటమాటలో సత్యమా
భక్తకోటికే మిత్రమా
ఋషివాల్మీకే, తులసిదాసులే ఎరుగలేరు ఆ రాముని
చిన్నపిల్లలం మేమందరం ఎరుగుదం మా హనుమా... ||జై జై శ్రీ రామా||
రామదాసుని జైలునుండి విడిపించిన కరుణామయుడు మా రాముడూ...శ్రీ రాముడు
సీతమ్మ చెఱనీ విడిపించినాడు లంఘించి జలధి మా ఆంజనేయుడు..ఆంజనేయుడు
సూర్యవంశమునే కీర్తికాంతులతో నింపినాడు మా రామచంద్రుడు
సూర్యబింబమునే మామిడిపండుగ మింగినాడు బాలాంజనేయుడు
కష్టమునుండి బయటపడెదరు రాముని కొలిచేవారు
కష్టములెపుడూ పడరు మా హనుమను నమ్మినవారు
మా రాముడు తారకబ్రహ్మము
మా మారుతి అందరి నేస్తము
రామతత్వమునకర్థము తెలియుట ఎంతో కష్టం
మారుతి భక్తీ, శక్తీ, యుక్తీ, సేవా తెలియుట సులభం..ఎంతో సులభం
కౌసల్యాసుప్రజారామా
అంజనానందనాహనుమా
అంజనానందనాహనుమా ||జై జై శ్రీ రామా||
చిత్రం : అంజనీపుత్రుడు (2009)
సంగీతం : వందేమాతరం శ్రీనివాస్
రచన : జొన్నవిత్తుల రామలింగేశ్వర రావు
గానం : వందేమాతరం శ్రీనివాస్, సాయిశ్రీ హర్ష, మృదురవళి
*******************************************************
Movie Name : Anjani Putrudu (2009)
Music Director : Vandemataram Srinivas
Lyricist : Jonnavithula Ramalingeswara Rao
Singers : Vandemataram Srinivas, Sai Sriharsha, Mrudu Ravali
