నవ్వులు రువ్వే పువ్వమ్మా
నవ్వులు రువ్వే పువ్వమ్మా
నీ నవ్వులు నాకు ఇవ్వమ్మా
ఉన్న నాలుగు నాళ్ళు నీలా ఉండిపోతే చాలమ్మా (నవ్వులు రువ్వే )
ఆకుల పయ్యెదలో నీ ఆడతనాన్ని దాచావు
రేకుల కేంపులలో నీ రేపటి ఆశలు నింపావు (ఆకుల)
ఆ ముసుగు తీసిన ముద్దు ముఖాన
మొగ్గ సొగసు ఉందమ్మా(నవ్వులు రువ్వే )
ఈ తోట మొత్తం కమ్మినవి ఈ దోరవయసు అందాలు
ఈ గాలి మత్తులో ఉన్నవీ నీ కన్నె మనసులో కైపులు (ఈ తోటలో)
నువ్వు ఒలకబోసే ఓంపుసొంపులకు
ఒడిని పడతానుండమ్మా (నవ్వులు రువ్వే )
ఏ కొమ్మకు పూచావో
ఏ కమ్మని తేనెలు తెచ్చావో ..
ఏ పాటకు మురిసావో
ఏ తేటికి విందులు చేసావో (ఏ కొమ్మకు )
ఆ పాట గానో,తేటిగానో పది నాళ్ళున్నాచాలమ్మా (నవ్వులు రువ్వే )
చిత్రం : గాజుల కిష్టయ్య (1975)
సంగీతం : కె .వి.మహదేవన్
రచన : ఆత్రేయ
గానం : S.P.బాలు
