||ప|| |కోరస్!
ఊగే ఊగే ఉయ్యాల రాగం తియ్యాల
సాగే సాగే జంపాల తాళం వేయాల
||ఊగే||
అతడు:
కొండాకోనా గుండెల్లో వూగే ఉయ్యాల
కోరస్:
ఊగే ఊగే ఉయ్యాల రాగం తియ్యాల
ఆమె:
వాగు వంక ఒంపుల్లో సాగే జంపాల
కోరస్:
సాగే సాగే జంపాల తాళం వేయాల
అతడు:
దొరికే చుక్కను ఏలే దొర నేనవ్వాల
ఆమె:
కోరితే కోరిక చూసి చిలకై నవ్వాలా
అతడు:
మన్నెంలో అంతా మనకేసి చూసే వేళ
||ఊగే|| ||సాగే ||
చరణం: అతడు:
నిద్దుర చెడి మధనపడి మదిని లాలించాలి
ఆమె:
ముచ్చటపడి ముద్దులతడి మొదటిముడవ్వాలి
అతడు:
ప్రతి పొదలో మనకధలే కొత్తపూత పూయించాలి
ఆమె:
మతిచెదిరే శృతిముదిరే తందనాలు తప్పించాలి
అతడు:
అందెలుకట్టే అందాలన్ని సందిటపట్టాలి
ఆమె:
తొందరపెట్టే ఆరాటాన్ని ముందుకునెట్టాలి
అతడు:
ఏకాంతాన్ని అంతా మన జంటే పాలించాలి
ఊగే ఊగే ఉయ్యాల రాగం తియ్యాల
సాగే సాగే జంపాల తాళం వేయాల
చరణం: ఆమె:
సిగన నువ్వే మొగలిపువ్వై ఒదిగివుందువుగాని
అతడు:
చిలిపి నవ్వే పిలుపునిస్తే రానా కిన్నెరసాని
ఆమె:
కోడెనాగులా కొంటెసెగలే చుట్టుకోని కాటెయ్యాలి
అతడు:
కొండవాగులా కన్నెవగలే కమ్ముకొని కవ్వించాలి
ఆమె:
చిటిక విని సంతోషంతో తెచ్చా సొంపుల్ని
అతడు:
కలలు కనే సావాసంతో గిచ్చా చెంపల్ని
ఆమె:
కౌగిళ్ళోరాని ఎదపాడే రాగాలన్ని
ఊగే ఊగే ఉయ్యాల రాగం తియ్యాల
సాగే సాగే జంపాల తాళం వేయాల
చిత్రం : పెళ్లి (1997)
సంగీతం : ఎస్.ఎ.రాజ్ కుమార్
రచన : సిరివెన్నెల సీతారామ శాస్త్రి
గానం : ఎస్.పి. బాల సుబ్రహ్మణ్యం ,చిత్ర
