ఆకాశం పందిరి వేసింది ఈ నేలమ్మ పీటను వేసింది.......ఆహ్వానం (1996)

పల్లవి :
ఆ సువ్వి ఆహా సువ్వి ||2||
ఆమె:
ఆకాశం పందిరి వేసింది ఈ నేలమ్మ పీటను వేసింది
జరిగే వైభోగం రమ్మంది జనులారా కనులారా చూడండి
అతడు:
మంగళవాద్యాలు పిలుపును అందించగ
ముంగిట మురిపాలు కళకళలాడగ
ఆమె:
పచ్చగ పెళ్ళయే ముహూర్తమె తథాస్తంది
అతడు:
ఆకాశం పందిరి వేసింది ఈ నేలమ్మ పీటను వేసింది
కోరస్:
ఆ సువ్వి ఆహా సువ్వి ||2||

చరణం : 1
నలుగురూ చేరి నలుగుపెట్టరే చిన్నారికి జలకాలాడించరే
ముద్దుగా ముస్తాబును చెయ్యరే బుగ్గమీద పెళ్ళిచుక్క దిద్దరే
అతడు:
వరుడితొ మగపెళ్ళివారు కోరస్: తయ్యారు
అతడు:
విడిదికి వియ్యాలవారు కోరస్: వచ్చారు
అతడు:
మనవిని మన్నించి మనువుకి రండయ్యా
పప్పన్నం పెడతాం దయచేయండయ్యా
అడిగినవన్నీ ఇచ్చి కన్యాదానం చేస్తామయ్యా ||ఆకాశం||

చరణం : 2
గౌరీపూజను చేసి కోరస్: చేసి
ఆమె:
నీ కోసం నోములు నోచి కోరస్: నోచి
ఆమె: కులుకుల కాణాచి అదిగో వచ్చింది
తెరవెనుకన వేచి కలలే కంటోంది
పరిణయ ప్రమాణమే చేసి పొందమంటోంది ||ఆకాశం||

||చ||
పురోహితుడు:
ధర్మేత్వయా యేశ నాతిచరితవ్యా కైకాల:||ధర్మే||
పురోహితుడు:
అయ్య నాతిచరామి అనండి అతడు: నాతిచరామి
పురోహితుడు:
అర్థేత్వయా యేశ నాతిచరితవ్యా కైకాల:||అర్థే||
అతడు: నాతిచరామి
పురోహితుడు:
కామేత్వయా యేశ నాతిచరితవ్యా కైకాల:||కామే||
అతడు: నాతిచరామి
కైకాల:
అయ్యా ఈ మంత్రాలు అంటున్నారు అనమంటున్నారుగాని
మరి వాటికి అర్థాలు తెలియాలి కదండీ చెబుతారా?
అతడు: అలాగే
ధర్మార్థకామములలోన ఏనాడూ - ఈమె తోడుని నీవు విడిచిపోరాదు
ఈ బాస చేసి ఇక నిండునూరేళ్ళు - ఈ సతికి నీడవై నిలిచి కాపాడు
కోరస్:
మాంగల్యం తంతునానేన మమజీవన హేతునా
కంఠేబద్నామి శుభగేత్వం జీవం శరదశ్శతమ్
అతడు:
నా జీవితానికే అధారము అయి నిన్నుఅల్లింది ఈ దారము
నీ మెడను వాలు ఈ మాంగల్యము నా శాంతి సౌఖ్యముల సంకేతము
ఈ సూత్రముతో నీవు చిరకాలము వర్ధిల్లితే నాకు అది క్షేమము
కోరస్: మంత్రాలు
అతడు:
ఈ జన్మలో ఇంక విడని ముడివేసి
కలిపారు దేవతలు దివినించి చూసి
ఈ బ్రహ్మముడి ఇద్దరిని ఒకటి చేసి
దాంపత్యరాజ్యాన్ని ఏలమంటోంది


చిత్రం : ఆహ్వానం (1996)
సంగీతం : ఎస్.వి.కృష్ణారెడ్డి
రచన : సిరివెన్నెల సీతారామ శాస్త్రి
గానం : ఎస్.పి.బాలు , చిత్ర